විමල් ඇතුළේ- ඔබට සතුටුයිද දැන්?

      විමල් වීරවංශ මේවන විට සිටින්නේ රක්ෂිත බන්ධනාගාරගතවය.  ඒ දින කීයකටදැයි නිශ්චිත ලෙස කිව නොහැකිය. කෙසේ වෙතත් දැනට අධිකරණය විසින් නියමවී ඇති ආකාරයට ජනවාරි 24 දක්වා ඔහු රක්ෂිත බන්ධනාගාර ගතව සිටිය යුතුය. ඔහු හෙට දවසේ මෝසමක් මගින් ඇප ඉල්ලනු ඇත. ඇතැම්විට ලැබෙනු ඇත. එසේත් නැතිනම් රෝගාබාධයක් ඇති බව පවසා හොර වෛද්‍ය සහතිකයක් හෝ ඉදිරිපත් කොට රෝහල් ගතවීමක් වුවද සිදුවිය හැකිය. කුමක් සිදුවිය හැකි වුවද ඔහුගේ රිමාන්ඩ් බන්ධනාගාරගතවීම සම්බන්ධයෙන් ඇතැමුන් කරන කතා බහ අතිශයෝක්තියකි. ඒවා “ඔන්න හොරා අපි ඇතුළට දැම්මා“වගේ ආඩම්බර කතාය. එහෙත් මෙම කතාවලට එතරම් ආයුෂ තිබෙනු ඇතැයි අපේක්ෂා කළ නොහැකිය. මන්දයත් මේ ආකාරයෙන් රක්ෂිත බන්ධනාගාර ගත කළ බැසිල්, නාමල්, ටිරාන්, ආදීන් ඇතුළට ගිය වේගයෙන්ම යළි එළියට පැමිණීම දකින්නට ලැබුණු නිසාය.

                  විමල්ගේ රක්ෂිත බන්ධනාගාර ගතවීම මගින් සමාජයට දනවනු ලබන පණිවිඩය කුමක්ද යන්නය. හෙතෙම අත්අඩංගුවට පත්වීමට පෙර දිනයේ ඒ පිළිබඳ ආරංචි ඔහුට ලැබී තිබුණි. ඒ නිසාම තමා අත්අඩංගුවට ගෙන අධිකරණයට ඉදිරිපත් කරන බැවින් පසුදින අලුත්කඩේ උසාවි සංකීර්ණය අසළට පැමිණ ඊට විරෝධය දක්වන ලෙස තම අනුගාමිකයින්ට දැනුම්දෙනු ලැබීය. එසේම නියමිත දින ප්‍රකාශයක් ලබාදීම සඳහා පොලිස් මූල්‍ය අපරාධ විමර්ශන කොට්ඨාසයට යාමට මොහොතකට පෙර එය ඉදිරිපිටදී මාධ්‍යයට ප්‍රකාශයක් ලබාදෙමින් තමා අත්අඩංගුවට ගැනීමට නියමිත බව පවසන ලදී. ඒ විතරක් නොව අග්‍රාමාත්‍ය රනිල් වික්‍රමසිංහ මහතා විදේශගතවීමට මත්තෙන් තමා අත්අඩංගුවට ගන්නා ලෙස පොලිස්පතිවරයාට උපදෙස් ලබාදුන් බවටද ඔහු චෝදනා කළේය. අපේක්ෂා කළ පරිදිම ඔහු අත්අඩංගුවට ගෙන අධිකරණයට ඉදිරිපත් කරන ලද අවස්ථාවේදී ඔහු විසින් පූර්වයෙන් සැලසුම් කළ පරිදි අධිකරණභූමියේ ඔහුට සහය පළකරමින් අධිකරණයට හා ජනාධිපතිවරයාටද, අග්‍රාමාත්‍යවරයාටද, පොලීසියටද අපහාස කරමින් විරෝධතා දක්වන්නට ඔහුගේ අනුගාමිකයින් විසින් කටයුතු  කරන ලදී. විශේෂයෙන්ම මෙහිදී ජනාධිපතිවරයාට ඉතාම පහත් ආකාරයෙන් පරුෂ වචනයෙන් බැණ වදින වයසක ආච්චි කෙනෙකුන්, කුඩා දරුවන් ආදීන්ද දක්නට ලැබුණි.

                    ජනතා විමුක්ති පෙරමුණෙන් ඉවත්වන විට පාපැදියක්වත් නොතිබුණු බව කියන, පාසල් අධ්‍යාපනයෙන් 9 වන ශ්‍රේණිය පමණක් සමත්වූ, සීගිරි පවා යන්නට අවස්ථාවක් නොලැබුණු බවට අදෝනා කියූ හෙතෙම ඉතා කෙටි කලක් තුළ කෝටිපතියෙකු බවට පත්ව සිටියේය. ඉකුත් රාජපක්ෂ පාලන සමයේ ඔහුට වාසනාව පෑදී තිබුණේ හිටපු පාලකයා “අපේ හාන්දුරුවනේ මං ගාව ෆයිල් තියෙනවා.“කියමින් අදාළ ලිපිගොනු ළඟ තබාගෙන නමුත් කිසිදු දූෂිතයෙකුට එරෙහිව පියවර නොගැනීම නිසාය. තවදුරටත් එම වංචා, දූෂණ සිදුකරන්නන්ට තම රැකවරණය ලබාදීම නිසාය. පසුගියදා එළියට පැමිණ තිබුණේ එහෙව් එක් ලිපි ගොනුවක් පමණි.


                         රජයේ මුදල් සාපරාධී සාවද්‍ය පරිහරණය, විශ්වාසය කඩ කිරීම, වංචා කිරීම ආදී චෝදනා සහ ඊට අනුබලදීමේ චෝදනා යටතේ  වීරවංශට එරෙහිව දණ්ඩ නීති සංග්‍රහයේ අංක 100, 102, 113, 388, 389, 400 යටතේ චෝදනා ගොනු කර තිබේ. එසේම  මුදල් විශුද්ධි කරන පනත යටතේ  අංක බී/3088/2016 දරණ බී වාර්තාව මගින් පොලිස් මූල්‍ය අපරාධ කොට්ඨාශය විසින් අධිකරණයට කරුණු දක්වා ඇත. විමල් අත්අඩංගුවට ගැනීම හෝ රක්ෂිත බන්ධනාගාර ගත කිරීම සම්බන්ධයෙන් ප්‍රවෘත්ති පළකරන රටේ ජාතික නාලිකා මෙම චෝදනාවල සත්‍ය අසත්‍යතාව විමසා බැලීමට කැමරාව ඇල්ලීමට උත්සුක නොවේ. ඒ වෙනුවට තමන් අත්අඩංගුවට ගැනීමට නියමිත බවට ඔහු කරන ප්‍රකාශය, ඉන්පසු අත්අඩංගුවට ගන්නා අවස්ථාවේදී දියණිය, බිරිඳ ඇතුළු ඥාතීන් හඬා වැළපෙන අයුරු, ඉක්බිතිව ඊට එරෙහිව ඔවුන් විසින්ම සංවිධානය කරන ලද ආධාරකරුවන්ගේ විරෝධතා, අවසාන වශයෙන් මෙම කටයුත්ත ‘දේශපාලන පලිගැනීමක්‘ බව අවධාරණය කරමින් එය හෙලාදකින ඒකාබද්ධ විපක්ෂයේ මන්ත්‍රීවරුන්ගේ ඇඟේ මයිල් කෙලින් වන විදිහේ ප්‍රකාශ කෙරෙහි පමණක් ප්‍රධාන ධාරාවේ ප්‍රවෘත්තිවල කාලය වෙන්කර තිබුණි.


                                    වීරවංශ විසින් තම ඥාතීන්ට සහ හෙංචයියන්ට  භුක්ති විඳීමට ලබා දී තිබූ රජයේ වාහන ගණන එකක් දෙකක් නොව 37 කි. එයින් ඒ ඥාතීන්ට වාහන 05 ක්ද, ජනිපෙ හෙංචයියන්ට වාහන 10 ක්ද, තම කාර්ය මණ්ඩලයට කියා පිටතින් බඳවා ගත් නමුත් ඔවුන්ගේ තනතුරු අනුව වාහනයක් පාවිච්චි කිරීමට කිසිදු නීත්‍යානුකූල හිමිකමක් නැති නිලධාරීන් 22 ටද වාහන ලබාදී තිබුණි. මේ සම්බන්ධයෙන් ලැයිස්තු ඇතැම් වෙබ් අඩවිවල පළවී තිබේ.
වීරවංශ තම ඥාතීන් ට ලබා දී තිබූ මෝටර් රථ මෙපරිදිය.

1. විමල් වීරවංශගේ අක්කා වන සුමනාවතී වීරවංශගේ බාල පුතා වන රිද්ම විමුක්ති ට අංක GO 4894 දරණ මෝටර් රථය.

2. විමල් වීරවංශගේ අක්කා වන සුමනාවතී වීරවංශගේ වැඩිමහල් පුතා වන ලලිත් පුෂ්පකුමාරට අංක GK-5073, KD-4049, KB-7053, KW-6956, GK-5073, KP-4802 දරණ මෝටර් රථ.

3. විමල් වීරවංශගේ බිරිඳගේ අක්කා වන තනුජා නිශාන්තිගේ ස්වාමි පුරුෂයා වන බෝඹුවල දිසාවගේ ආනන්ද අශෝක කුමාරට අංක KB-6038, HQ-4974, GR-5774, KI-4648, KA-7440 දරණ මෝටර් රථ.

4. විමල් වීරවංශගේ බාල සහෝදරිය වන නිලානි වීරවංශගේ ස්වාමි පුරුෂයා වන පල්ලෙපේරු ගමගේ ආනන්ද ප්‍රියදර්ශනට අංක GY-4635 දරණ මෝටර් රථය.

5. විමල් වීරවංශගේ බාල සහෝදරිය වන නිලානි වීරවංශට JN-8058 දරණ මෝටර් රථය.

මෙලෙස වාහන පාවිච්චි කර ඇති රිද්ම විමුක්ති වීරවංශ, ඕෂන් වීව් ආයතනයේ ව්‍යාපෘති නිලධාරියෙකු ලෙසද, ලලිත් පුෂ්ප කුමාර විමල්ගේ අමාත්‍යාංශයේ කළමනාකාර සහකාර වරයෙකු ලෙසද, වී.ඩබ්. ආනන්ද අශෝක ශ්‍රී ලංකා වරාය අධිකාරියේ ප්‍රධාන ආරක්ෂක ලෙසද, පී.පී. ආනන්ද ප්‍රියදර්ශන රාජ්‍ය ඉංජිනේරු සංස්ථාවේ සිව් දෙනා මෙම මෝටර් රථ භාවිතා කරනු ලැබ ඇත්තේ එම නිලයන්ට වාහන පාවිච්චි කිරීමට නීත්‍යානුකූල අයිතියක් නොමැතිව තිබියදීය.

                                                අනෙක් අතට  විමල් ගේ බාල සොයුරිය වූ නිලානි වීරවංශ කිසිදු රාජ්‍ය ආයතනයක කිසිදු තනතුරක් දරා නොමැත. එසේ වුවද ඇයගේ භුක්තියටද මෝටර් රථයක් ලබාදී තිබේ. ඔහු විසින් පක්ෂයේ ආධාරකරුවන්ට හා මිත්‍රයින්ට ලබාදී තිබුණු මෝටර් රථ ලැයිස්තුව මෙපරිදිය.

1. ලාල් කුලරත්නට - HK-8877, KT-2884
2. පියසිරි විජේනායකට - JN-5767, KK-3081, 64-3225, HA-2189, KA-4685,
3. කේ.ඩී.යූ ජයසේනට - KO-5871
4. ඩී.වී.ඒ. ජයවර්ධනට - KM-0882
5. එල්.සී කුමාරට - 54-5678
6. විරාජ් සංජීවට - KT-6089
7. නුවන් ඉන්දික -  KA-8125, 32-9390
8. පී.එස්.විජේසිරි හෙවත් දම්පාල - HR-7619, HN-4098
9. චානක ට - GI-0001
10. නිශ්ශංක ට - GF-0887

වීරවංශගේ කාර්ය මණ්ඩලයට කියා පිටතින් බඳවා ගත් නමුත් ඔවුන්ගේ තනතුරු අනුව රජයේ මෝටර් රථයක් භාවිතා කිරීමට හිමිකමක් නොමැති මෝටර් රථ ලාභී ලැයිස්තුව මෙපරිදිය.
 ඒ අය අතර සිංහල රාවයේ නායක ඉත්තෑකන්දේ සද්ධාතිස්ස හිමියන්ද, ලංකාදීප පුවත්පතේ ප්‍රසන්න සංජීව තෙන්නකෝන් ද සිටිති. ඒවා‘සිංහල රාවය‘යනු කුමක්ද? විමල්ලාගේ තක්කඩිකම් ප්‍රධාන ධාරාවේ පුවත්පත්වල පළනොවන්නේ මන්ද?යන්නට නිදසුන්ය.

1. ඒ.එන්.එස්. මෙන්ඩිස් - මහජන සම්බන්ධතා සහ වෘත්තීය සමිති ලේකම් - KQ-0976, KA-9447, KP-3768, KD-0158, KQ-9762.

2. යූ.ඩී.සංජීව පෙරේරා -මාධ්‍ය ලේකම්/උපදේශක - JO-5953, JE-6557.

3. සිසිර හේරත් - ප්‍රධාන ආරක්ෂකයා (අයිපී) - PC-6171, 252-4908, PC-8430, PF-1277, EA-0260, PE-3626, KD-1494, EA-0004, PF-3770.

4. බී.එම්.ජේ.ටී. මෙන්ඩිස් - කළමණාකාර සහකාර - 65-5231, KI-3053, HR-0800, KG-2376.

5. ජේ.එච්.ආර්.නයනානන්ද - සම්බන්ධීකරණ ලේකම් - KB-4427, JC-2440, KB-8657, JO-5953, CAB-9727.

6. අලගිය හේවගේ සුරේෂ් ඉන්දික - සංවර්ධන සහකාර - 301-2751, HC-2349, JW-3549, KU-9867, 300-2590.

7. බී.ජී.ඉන්දික ප්‍රසාද් - ගිණුම් සහකාර - PC-2896, PC-9097.

8. ඉෂිකා නදී පෙරේරා - කාර්යාල නිලධාරිනී -JR-5354, 300-5690.

9. වෛද්‍ය අචල උපේන්ද්‍ර ජයතිලක - උපදේශක -HC-2048, HI-2658.

10. ඉත්තෑකන්දේ සද්ධාතිස්ස හිමි (සිහල රාවය) - අධීක්ෂණ මණ්ඩල සාමාජික - GJ-7117, KO-6514, JS-9725, HN-2194, PD-2563, CAC-3327.

11. ප්‍රසන්න සංජිව තෙන්නකෝන් (ලංකාදීප මාධ්‍යකරුවා) - අමාත්‍යාංශයේ මාධ්‍ය සම්බන්ධීකාරක - KK-8941.

12. දුෂ්මන්ත අබේසිංහ - පාර්ලිමේන්තු ලේකම් - KE-0231, KR-7730, KA-8125, KS-7735.

13. සම්පත් තිලකරත්න - ලිපිකරු/වැඩබිම් සම්බන්ධීකරණ ලේකම් - JR-5774, KT-9085, KI-1610, KS-0097, KQ-7961.

14. ප්‍රසාද් මංජු - අමාත්‍ය මාධ්‍ය ලේකම් - 250-4713, JY-0359.

15. රංජිත් එදිරිසිංහ - කළමණාකාර පුහුණු/සම්බන්ධීකරණ ලේකම් - JZ-2669.

16. කේ.එල්.එම්. සමරතුංග - පිරිස් කළමනාකරු -HM-6920.

17. රංජිත් ගාමිණී වික්‍රමසිංහ - සම්බන්ධීකරණ ලේකම් - KA-6932, GJ-4501, JN-9942.

                            මේ අයුරින්  රජයේ දේපළ අවභාවිතා කිරීම මගින් රුපියල්  නව කෝටි,  දහසය ලක්ෂ, තිස් පන් දහස් පන්සිය අනූ එකක මුදලක් රජයට පාඩු කර ඇති බව පොලීසිය විසින් අධිකරණයට පෙන්වාදී තිබේ. එහෙත් මෙම චෝදනාව යනු විමල්ට එරෙහිව පවත්නා එක් චෝදනාවක් පමණි.
හොර උප්පැන්න හදා හොර පාස්පෝට් භාවිතා කිරීම,  නිවාස ඇමැතිව හිඳිමින් රජයේ මුදලින් හෝමාගම,  කහතුඩුව ප්‍රදේශයේ තැනූ නිවාස 6 ක් අඩු මුදලට තම ඥාතීන්ට ලබා දීම, නිශ්චිත ආදායමක් නොමැතිව කෝටි ගණනක් වටිනා මාලිගාවක හිමිකරුවෙක් වීම,  කළු සල්ලි සුදුකිරීම, තම නිවසේ තරුණයෙකු අභිරහස් ලෙස මියයාම, අන්තවාදී ජාතිවාදී අසත්‍ය ප්‍රකාශ කරමින් ජාතීන් අතර අසමගිය සහ වෛරය වැපිරීම ආදී තවත් නීතිමය වශයෙන් කටයුතු කළ හැකි චෝදනා බොහෝය. ඒ සියල්ල එසේ තිබියදී සිවිල් සමාජ සංවිධාන මෙවන් දූෂිතයින් සම්බන්ධයෙන් නිහඬ පිළිවෙතක් අනුගමනය කරන්නේ මන්ද? ප්‍රධාන ධාරාවේ මාධ්‍ය කිසිවක් මෙම කරුණු අනාවරණය නොකරන්නේ මන්ද? හොරකම් හසුවූ විටත් “මගෙ නෙවෙයි. මං දන්නෙ නෑ“යි කියන විට හොර බඩු රාජ සන්තකවී හොරා නිදහස්වීමේ බැසිලියානු සම්ප්‍රදාය ඉදිරියටත් ක්‍රියාත්මක වේදැයි අනුමාන කරන නිසාද? එසේත් නැතිනම් සාධාරණ රැකියාවක මාසික වැටුප පමණක් ජිවත්වීමට ප්‍රමාණවත් නොවීම නිසා ගොඩ ඒමේ එකම මාර්ගය‘ජාවාරම‘බැව් සියලුමදෙනා ඕනවටත් වඩා හොඳින් අවබෝධ කරගෙන ඇති බැවින් හැමෝගෙම ඒකායන ප්‍රාර්ථනාව ජාවාරමකින් “ගොඩඒම“ පමණක් නිසාද? පිළිතුරු සෙවිය යුත්තේ තම තමන්ගේ පපු කැනති වලට තට්ටු කර  බැලීමෙන් පමණි.

-ප්‍රියා-